Prensa – Page 25 – Ibaeta Basket

IDK Gipuzkoak ezin izan du Lointek Gernika Bizkaiaren portzentaiekin

September 29, 2018

Azu Muguruzaren taldeak Euskal Kopako finalerdietan XX-XXeko emaitzarekin galdu du bizkaitarren aurka

Durangoko Landako Kiroldegian jokatzen da emakumezkoen Euskal Kopa asteburuan. IDK Gipuzkoak bigarren finalerdian jokatu du Lointek Gernika Bizkaiaren aurka. Gaurko porrotaren ondoren, Azu Mugurzaren taldeak bihar hirugarren eta laugarren postuarengatik jokatuko du, gipuzkoarren arteko derbia izango da, lehen finalerdian Añares Rioja ISBk ezin izan baitu RPK Araski menderatu.

IDK Gipuzkoak ongi ekin dio partidari, eta Lyndra Weaverren saskiratzeei esker, partidan sartuta izan da taldea. Amerikarrak bost puntu saskiratu ditu lehen lau minutuetan. Kanpoko jaurtiketetan ordea ez da fin aritu taldea, bai aldiz talde bizkaitarra, eta taldean egindako aldaketekin, Mario Lopezen taldeak bost puntuko abantaila erdietsi du markagailuan. Azken minutuetan taldeak ez du amore eman, eta Lara Gonzalezek saskiratutako lau puntuei esker, eta Ellen Nystromen biei esker, IDK Gipuzkoak markagailuan aurretik amaitu du lehen laurdena (11-13).

Bigarren laurdenean, bizkaitarrek eroso ekin diote zelaian. Lehen minutu berdintsu batzuen ondoren, taldeak 10-0eko partziala jaso du, eta horri esker markagailuan tartea handitu dute bizkaitarrek. Lararen barneraketa bati esker eten du bolada txarra taldeak, baina azkenean Weaverren lau punturi esker, atsedenaldira hiru puntuz behetik heltzea lortu du Azuren taldeak (26-23).

Bigarren laurden hasieran, gernikarrek fin jarraitu dute saskira begira, eta defentsan ezinezkoa izan da portzentai horiek murriztea. Gainera, bizkaitarrek zonakako defentsa ezarri dute, eta taldeari zailtasunak eman dizkio barneko jokoarekin jokatzen jarraitzeko. Izan ere, bi estatubatuarrak izan dira jokoan taldearen pisua eraman dutena, eta hau ekidin nahi izan du Lopezen defentsak. Horrela, azken laurdena hasi aurretik, hamalau puntuko abantaila zuten bizkaitarrek (52-38).

Azken laurdena ongi hasi bada ere, Maria Erauncetamurgilen saskiratze batekin, Lopezen neskek erritmo altuarekin jarraitzen zuten, eta berehala partida apurtzea lortu dute. Baloia berreskuratu eta kontraerasoan irtetea, hori izan da bizkaitarren jokoaren gakoa lehen minutuetan partida erabat apurtzeko.

Bihar, IDK Gipuzkoak Euskal Koparen hirugarren eta laugarren postuarengatik lehian ariko da Añares Rioja ISBren aurka. Azpeitiarrek lehen finalerdian ezin izan dute RPK Araski menderatu, eta 82-71ko emaitzarekin galdu dute. Partida goizeko 09:45etan izango da Landako Kiroldegian (Durango), eta aldiz, finala 12:00etan, RPK Araski eta Lointek Gernika Bizkaiaren artean, ETB 1 bidez ikusi ahal izango dena.

Partidako fitxa

Lointek Gernika Bizkaia: 71 (11-15-26-19)
Ariztimuño (12), Vanderwal (8), Dietrick (4), Berezhysnka (20) eta Pascua (2) – Hasierako bostekoa- Diez (0), Alberdi (2), Molina (4) eta Gwathmey (19).

IDK Gipuzkoa: 48 (13-10- 15-10)
Brkic (2), Iparragirre (0), Aduriz (2), Weaver (16) eta Vionise (10) – Hasierako bostekoa – Erauncetamurgil (8), Gonzalez (8), Olabarria (0) eta Nystrom (2).

Epaileak:
Juan Carlos Garcia, Javi Bravo eta Aitor Gomez, ez dute jokalaririk egotzi.

Partidako estatistikak hurrengo estekean dituzue

Intentsitate handiko asteburua IDK Gipuzkoarentzat

September 21, 2018

Taldeak bi lagunarteko jokatuko ditu, lehena bihar Gaskan, eta igandean Iruñean.

Azu Muguruzaren taldeak, eta aste honetan jada Lyndra Weaverreren etorrerarekin, bere aurredenboraldiko asteburuetako intentsitatea handitzen dabil. Asteburu honetan, eta hurrengoan, bi lagunarteko partida jokatuko ditu taldeak, DIA Ligaren hasierara, ahalik eta modurik onenean heltzeko.

Aurredenboraldiko lehen asteen ondoren, eta jada hanketan lagunarteko partida bat jokatu dutela, asteburu luze baten aurrean dira jokalariak. Larunbatean Lointek Gernika Bizkaia izango dute aurkari Jose Antonio Gaskan 18:00etatik aurrera, eta igandean, Iruñan Fundacion Ardoiren aurka ariko dira 19:15etatik aurrera.

Asteburuko lehen lagunarteko partidak, gainera, bazkideek euren abonu txartela jasotzeko aukera emango die. Jada 2018/19 denboraldirako abonu txartela atera duten bazkideek, larunbatean Gaskan bertan jaso dezakete txartela. Gainera, partida ikusgarri bat ikusteko aukera izango da, izan ere aurkaria, Eurocupeko atarikoa jokatuko duen Lointek Gernika Bizkaia izango da, Euskal Kopako finalerdietan aurkari izango dugun taldea.

Bestalde, igandean, irailaren 23an, IDK Gipuzkoak LF2ko Fundacion Ardoiren aurka jokatuko du 19:15etatik aurrera Iruñean. Partidarekin, Nafar saskibaloiaren festari amaiera emango zaio, izan ere 16:45etan, Nafarroako Kopako finala jokatuko da bertan. Jaialdia streaming bidez jarraitu ahal izango da.

IDK Gipuzkoak garaipena lortu du lehen lagunarteko partidan (71-56)

September 14, 2018

Maila altuko partida jokatu da Bergaran, eta azkenean, emaitzak dioena baina partida estuagoa ikusi da

IDK Gipuzkoak aurredenboraldiko lehen lagunarteko partida jokatu du gaurkoan. Bergarako Labegaraieta Kiroldegian jokatu du Promete CDren aurka. Bigarren Mailako partida izan arren, maila altuko jokalariak ditu, eta ez da partida erraza izan, gainera, kontuan izan behar da oraindik hainbat jokalari falta direla.

Partida erritmo altuarekin hasi da, nahiz eta lehen lagunarteko partida izan. Bi taldeak gogotsu heldu dira, eta lehen laurdena 17-14ko emaitzarekin amaitu da. Ellen Nystrom erasoan taldeko erreferentea izan da, eta zalantzarik gabe, bera izan da taldeko jokalaririk onenetarikoa.

Bigarren laurdenean, errioxarrak nagusi izan dira, eta gure defentsa gainditzen jakin izan dute. 12-21eko partzialarekin, atsedenaldira 29-35eko emaitzarekin heldu dira Azu Muguruzaren jokalariak.

Bigarren zatiaren hasieran, eta nahiz eta lehen minutuetan Onintza Adurizek, orkatilla bihurritu duen arren, taldeak ongi erreakzionatu du, markagailua irauliz. Barneko jokoa erabakiorra izan da, eta Maria Eraunzetamurgil eta Pierre Louis Vionise izan dira bi erreferenteak.

Azken laurdenean, eta jada indarrak ia agortuta zituztela bi taldeek, gure bi jokalari gaztek zelaia zabalean jokatzeko aukera izan dute. Horrela, Sara Iparragirre eta Bera Berako Ane Esnal izan dira bi jokalari aipagarri. Azkenean, emaitza handiegia izan da zelaian ikusitakoarentzat.

Partida amaieran, Bergara Kirol Elkarteko Saskibaloi ataleko arduradun den Marian Melladok oriogarri bana eman digu bi taldeei partidaren eskertza moduan. Gure aldetik ere, eskerrak eman nahi dizkiogu klubari, antolakuntzan egindako lanarengatik, eta baita Promete CDri partidarengatik.

Partidako partzialak:
17-14; 12-21 (29-35), 19-11 (48-46) eta 23-10 (71-56).

Epaileak:
Jaume Pujol eta Miguel Angel Fernandez

IDK Gipuzkoako Saskiratzaileak
Sara Iparragirre (10), Maria Erauncetamurgil (8), Ane Esnal (4), Lara Gonzalez (2), Iulene Olabarria (6), Onintza Aduriz (2), Ellen Nystrom (17), Pierre Vionise (14) eta Iva Brkic (8).

“Pozik nago IDK Gipuzkoara etortzeagatik”

September 13, 2018

Gaur goizean egin dugu Pierre-Louis Vionisen aurkezpen ekitaldia La Perlako terrazan

Ia Donostiara heldu berritan, gaur goizean aurkeztu dugu Pierre-Louis Vionise Centro Talaso Sport La Perlako terrazan. Jokalaria, barneko jokoan erreferente izatea espero da. Gustura da taldean, nahiz eta oraingoz hiriari buruz ezin izan duen gauza askorik ikusi.

Gustura dago Espainiara iritsi izanagatik. “Niretzat ohore bat da Espainiara etortzea, izan ere DIA Liga lehiaketa garrantzitsua da, eta ohore bat da bertan parte hartzea”, aipatu du jokalari amerikarrak. Aste bat baino gutxiago daraman arren, “gustatu zait taldean dagoen giroa, eta lehen sentsazioak baikorrak dira”, onartu du.

Jokalari gisa definitzerakoan, zailtasunak izan ditu, baina azkenean, taldeko jokalari gisa definitu da. Bere ustez, defentsan eta errebotean aporta dezakeela uste du. Bestalde, orainarte ikusi duenaren arabera, jokalari ezberdina dela aitortu.

Bere lehen asteari dagokionez, europar saskibaloira ohitzen ari dela onartu du. “Hemengo saskibaloira ohitzen nabil, ameriketako saskibaloiaren oso ezberdina da, eta lehen aste hau adaptazio astea da”.

Aurkezpenaren ondoren, La Perlako Oscar Parronekin batera, bertako instalakuntzak ikusteko aukera izan du, eta lehen eskutik ikusi ahal izan du itsasoko urez betetako lau igerilekuak, eta baita gainontzeko instalazioak ere.

Bihar lehen lagunarteko partida Bergaran
ATaldeak lanean ia aste bakar bat daraman arren, bihar, lagunarteko partida bat jokatuko du. I Bergara Hiria Emakumezkoen Txapelketa jokatuko dugu bihar Labegaraieta Kiroldegian. Promete CD izango da gure aurkaria 19:00etan hasiko den norgehiagokan.

Mediku azterketak

September 7, 2018

IDK Gipuzkoako lehen jokalariak hasi dira aurredenboraldiko mediku azkterketekin. Maria Eraunzetamurgil, Sara Iparragirre eta Lara Gonzalez izan dira lehen jokalariak. Hirurek, Donostiako Eguneko Quironsalud Hospitalean egin dituzte haien probak. Haiekin batera aritu ziren Bera Berako Garazi Alza eta Oihana Arzallus.

Datorren astean, jokalari gehiagok pasako dituzte proba hauek, apurka-apurka, denboraldi berrirako prest egoteko.

IDK Gipuzkoak Torrejon de Ardozen hasiko du denboraldia

August 15, 2018

Jorge Garbajosa Kiroldegian jokatuko da DIA Ligako Open DAYko bigarren ekitaldia.

Torrejon Ardozeko Jorge Garbajosa Kiroldegian jokatuko da aurtengo Liga DIAko Open Daya. Bigarren urtez jarraian, FEBek lehen jardunaldiko partida guztiak leku berean jokatzea nahi du, eta berau izango da jokalekua. Horrela, IDK Gipuzkoak Embutidos Pajariel Bembibre PDM-ren aurkako partida, urriaren 14ean jokatuko du.

Ya queda menos de dos meses para el inicio de la Liga DIA, y ya se conoce el escenario elegido para su estreno. Así, el IDK Gipuzkoa sabe donde disputará su encuentro inaugural de la Liga DIA. El Open Day de la temporada 2018/19 se disputará en la localidad madrileña de Torrejón de Ardoz. Concretamente su Pabellón Jorge Garbajosa será el escenario donde disputarán sus encuentros 14 equipos de la Liga Dia. Concretamente serán siete encuentros.

Visto el éxito que tuvo la organización de la temporada pasada, esta temporada la Open Day también tendrá un mismo esquema. El viernes se presentarán a todas las plantillas en un acto que se celebrará en el Auditorio Paco de Lucía de Alcobendas.

Un día más tarde, el balón comenzará a rodarse, y es cuando el Pabellón Jorge Garbajosa comenzará a recibir a las plantillas de la temporada 2018/19. Concretamente, la plantilla de Azu Muguruza disputará su encuentro el domingo a la mañana, siendo el primero de la jornada del domingo.

Ordutegi hauekin jokatuko dira aurtengo Open DAYko partidak:

Larunbata, urriaren 13a:
– Cadí la Seu vs Durán Maquinaria Ensino (11:00 h)
– Nissan Al-Qázeres Extremadura vs Baxi Ferrol (13:15 h)
– Valencia BC vs Perfumerías Avenida (18:00 h)
– Quesos El Pastor vs RPK Araski (20:15h)

Igandea, urriaren 14a:
– Embutidos Pajariel Bembibre PDM vs IDK Gipuzkoa (11:00 h)
– Snatt´s Sant Adrià vs Lointek Gernika (13:15 h)
– Mann-Filter Casablanca vs Spar CItyLift Girona (16:30 h)

IDK Gipuzkoak ezagutzen du DIA Ligako bere egutegia

July 18, 2018

Gaur goizean egin da datorren denboraldiko partiden zozketa

DIA liga urriaren 13an hasiko da, eta berau iaz bezala, Open DAY deritzon ekitaldiarekin izango da. Jardunaldiko partida guztiak leku berean izango dira, eta bertan, IDK Gipuzkoak Embutidos Pajariel Bembibreren aurka ariko da. Aurten bisitari moduan ariko da, izan ere iaz etxean jokatuko balu bezela aritu zen taldea, eta horrela Gaskan partida bat gutxiago jokatu zuten. Aurten, ordea, aldatzea erabaki dute Espainiako Saskibaloi Federaziotik.

Ordutik, urte amaiera arte ariko dira lehen itzuliko hamahiru partidak jokatzen, izan ere hamahirugarren jardunaldia, lehen itzuliko azkena, abenduaren 30ean jokatuko da. Orduan jakingo da, zein zortzi talde ariko diren Erreginaren Kopan, izan ere, aurtengo berrikuntzetako bat, zortzi talde ariko direla Kopan da. Guztira lehen zazpi sailkatuak eta etxeko taldea ariko dira otsailaren 28tik martxoaren 3ra jokatuko diren kanporaketetan.

Urte hasieratik, apirilaren 7ra, aldiz, bigarren itzulia jokatuko da, beste hamahiru partidekin. Asteburu horretan, IDK Gipuzkoak Spar Citylift Gironaren aurka jokatuko du, denboraldiko azkena Josean Gaskan.

Egutegia osorik ikusteko, klikatu estekean: DIA Ligako egutegia

Azu, Sara eta Maria dominen lehian

July 14, 2018

Emakumezkoen U20ko Europako Txapelketako finalerdian ariko dira gaur Holandaren aurka (20:15)

Albiste onak datozkigu Sopronetik. Izan ere, bertan jokatzen ari da Emakumezkoen 20 urtez azpiko Europako Txapelketa, eta bertan, gure hiru ordezkari ditugu Espainaiko selekzioan. Azu Muguruza da entrenatzaile laguntzailea, eta Maria Erauncetamurgil eta Sara Iparragirre gure jokalariak ere badaude bertan. Orain arte, selekzioak jokatutako partida guztiak irabazi ditu.

Lehen fasean, Espainiak Portugal mendean hartu zuen lehen partidan (43-57), eta Belgica (77-32) eta Holanda (79-59) hurrengo bietan. Final zortzirenetan, kroazia izan zuten aurkari (93-41) eta final laurdenetan, aldiz, Frantzia (50-51). Orain, finalerdietan aurkaria Holanda izango da, eta beste finalerdian ariko dira Serbia eta Italia.

Orainarte jokatutako bost partidatan, gure jokalariek paper ona izan dute, nahiz eta biek lau partida jokatu dituzten. Mariak ez zuen Holandaren aurkako faseko azken partida jokatu, eta Sarak, aldiz, final laurdenetako partida aulkian eman zuen.

Gaur, Holandaren aurka jokatuko dute finalerdietan. Gaur ekingo diote dominen lehiari. Gaurko aurkaria ezaguna da espainiarrentzat, izan ere faseko multzoaz gain, Leonen egindako prestakuntzan ere elkar aritu ziren. Bi partidetan garaipea lortu arren, partida berria izango da 20:15etan hasiko den partida. Ohi bezala, FIBAren youtubeko kontuan jarraitzeko aukera izango da, Serbia eta Italiak 18:00etan jokatuko duten finalerdia bezala. Bihar amaituko da txapelketa, eta guarko ordutegi berak izango ditu, 18:00etan hirugarren eta laugarren partida, eta 20:15etan finala.

Author: Prensa