Donostiarrarekin jada bost jokalari ditu talde donostiarrak 2018/19 denboraldirako
IDK Gipuzkoak jada bost jokalari ditu datorren denboraldirako, Iulene Olabarria kapitainak kontratua berritu ondoren. Denboraldi gogorraren ondoren, izan ere lesio luze eta gogorra jasan du, kapitaina beste denboraldi batez Azuren aginduetara izango da. Jokalaria pozik da jarraitzeagatik, izan ere zalantzak izan ditu horretarako.
IDK Gipuzkoak eta Iulene Olabarriak beste urte batez elkarrekin jarraituko dute, izan ere kapitainak beste urte batez kontratua berritu du. DIA Ligan bere seigarren denboraldia jokatuko du. Olabarria gustura da kontratu berritzearekin, eta horrela, bere hamaseigarren denboraldia jokatuko du taldean. Egia da, zalantzak izan dituela kontratua berritzeko ala ez.
Taldeak denboraldia amaitu, eta entrenamenduak egiteari utzi dion arren, Iulenek egunero darrai entrenatzen, izan ere bere belauna ongi izan nahi du aurredenboraldirako. “Belauna ondo doa, eta egun batzuetan alta izatea espero dut, horrela, eboluzioa nire kabuz egingo dut”, dio donostiarrak.
Lesio hau ez da berria donostiarrentzat, izan ere Maria Erauncetamurgilek aurreko denbroraldian jasan zuen zorigaitzeko lesioa, eta Toch Sarrek ere lehenago izan zuen. “Elkarrekin konparatzeko aukera izan dugunean, hori egin dugujakiteko ongi ala gaizki noan”, dio kapitainak.
